پیرس حملہ: حملہ آور واچ لسٹ میں تھا، حکام

0
112

فرانسیسی وزارت داخلہ نے بتایا ہے کہ آج ہفتہ اٹھارہ مارچ کو پیرس کے اورلی ایئر پورٹ پر ہلاک کر دیا جانے والا مشتبہ حملہ آور پولیس کی واچ لسٹ پر تھا۔ بتایا گیا ہے کہ وہ ماضی میں ایک بار میں لوگوں کو ڈرا دھمکا بھی چکا تھا۔

سرکاری بیان کے مطابق آج اورلی کے بین الاقوامی ہوائی اڈے پر سکیورٹی پر تعینات فوجیوں نے اس شخص کو اس وقت گولی مار کر ہلاک کر دیا، جب اس نے ایک خاتون فوجی سے گن چھیننے کی کوشش کی تھی۔

استغاثہ نے بتایا ہے کہ اس کیس کی تحقیقات کے سلسلے میں ہلاک کر دیے جانے والے اس مشتبہ حملہ آور کے بھائی اور والد کو حراست میں لے لیا گیا ہے۔ فرانس میں یہ واقعہ ایک ایسے وقت میں رونما ہوا ہے، جب اس یورپی ملک میں ہنگامی حالت نافذ ہے۔

SHARE

LEAVE A REPLY