اے خدا  یہاں  ہے تو۔۔از۔۔انس چیمہ

0
83

اے خدا ۔۔!
میں تجھے کہاں ڈھونڈوں
آدھی دنیا والے تو تجھے جانتے ہی نہیں
سوچتا ہوں ۔۔ کیا تو مسجدوں  میں رہتا  ہے ؟
کیا تو  مندروں ۔۔ کلیساؤں میں رہتا  ہے ؟
کیا تو قران ۔۔ گیتا ۔۔ گروگرنتھ  میں بستا ہے  ؟
کیا تو لوگوں کے دلوں میں رہتا  ہے
اے خدا۔۔!
میں نے تجھے کہیں نہیں پایا
پر تجھے ہر جگہ پایا بھی ہے
تجھے یاد ہے ۔۔۔
میں جنگلوں میں سائیکل چلا رہا تھا
اور  توں ۔۔۔ مجھے پہلی بار وہیں  ملا تھا
میں سمندر دریا کے کنارے چلا جا رہا تھا
اور  تو ۔۔۔ میرے ساتھ ساتھ چل رہا تھا
اے خدا ۔۔۔
تجھے یاد ہے
میں جب بہت ڈر گیا تھا
میں نے تجھے کمبل کی طرح اوڑھ لیا تھا
پھر ۔۔۔  اپنے پرائے مجھے
کیوں  ملحد کافر کہنے لگے ہیں
کیوں انہیں میرا کمبل دیکھائی نہیں دیتا ۔۔!

 

SHARE

LEAVE A REPLY