دنیا بھر میں آج مسیحی برادری ایسٹر کا تہوار منا رہی ہے۔ گرجا گھروں میں خصوصی سروسز کا انعقاد کیا جا رہا ہے اور روایتی جوش و جذبے کے ساتھ مذہبی تقریبات جاری ہیں۔

ویٹی کن سٹی میں ایسٹر کے موقع پر پُروقار مرکزی تقریب میں ہزاروں افراد نے شرکت کی۔
پوپ فرانسس نے ایسٹر کے موقع پر خصوصی دعا کروائی اور عوام کو ایسٹر کی مبارکباد دی۔ انہوں نے ایسٹر کے حوالے سے اپنے خطاب میں کہا کہ حضرت عیسٰی کی تعلیمات دنیا میں امن کا پیغام دیتی ہیں۔

امریکا، برطانیہ، یورپ اور دیگر ممالک کے گرجا گھروں میں تقریبات کا انعقاد کیا جارہا ہے۔ بچوں میں رنگ برنگی چاکلیٹس، گھنٹیاں اور خوبصورتی سے سجائے گئے انڈے تقسیم کیے جارہے ہیں۔ گرجاگھروں کو خصوصی طور پر سجایا گیا ہے۔

بچے حضرت عیسی کی زندگی پر ٹیبلوز اور گرجا گھروں میں مذہبی نغمے پیش کر رہے ہیں، جبکہ مسیحی برداری آپس میں کھانا اور تحائف کا تبادلہ کر رہی ہے۔ ایسٹر مسیحی عقیدے کے مطابق حضرت عیسٰی علیہ السلام کو دوبارہ زندہ کر کے اٹھائے جانے کا دن ہے

SHARE

LEAVE A REPLY