ہر ایک سچ کی ضمانت مرے حسین کا نام۔۔۔۔ڈاکٹر نگہت نسیم

0
204

ڈاکٹر نگہت نسیم

ہر ایک سچ کی ضمانت مرے حسین کا نام
خدا کے دیں کی حفاظت مرے حسین کا نام
تا روز حشر خدا کی قسم مجھے نگہت
یزید پر ہے قیامت مرے حسین کا نام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کمال دین محمد حسین ہے نگہت
جمال دین محمد حسین ہے نگہت
مثالِ علمِ محمد فقط علی و علی
مثال دین محمد حسین ہے نگہت
۔۔۔۔۔۔۔۔۔۔۔۔۔۔

حسین فاطمہ زہرا کے دل کی دھڑکن ہے
حسین حبس کے موسم میں جیسے ساون ہے
حسین عشق خدا کا عروج ہے نگہت
رسول کہتے ہیں جنت کا یہ ہی ضامن ہے
۔۔۔۔۔۔۔۔۔۔۔۔۔۔۔۔۔
یہ دودھ میں جو پلایا ہے ہاں حسین حسین
درود پاک کا سایہ ہے ہاں حسین حسین
وہ دودھ دیتے بھی نگہت یہ نام لیتی تھی
مجھے تو ماں نے سکھایا ہے ہاں حسین حسین

SHARE

LEAVE A REPLY