کراچی کے علاقے قائد آباد اور ناظم آباد میں پولیس نے کارروائی کرکے 9 ملزمان کو گرفتارکرلیا۔ منگھوپیر میں بغیر کاغذات کے کرائے کے گھروں میں رہنے والے 35 مشتبہ افراد کو بھی حراست میں لے لیا گیا ہے۔

منگھوپیرکے علاقے نیاناظم آباد کو ملحقہ علاقوں میں پولیس نے مشتبہ افراد کی موجودگی کی اطلاع پرسرچ آپریشن کیا۔ آپریشن میں پولیس کمانڈوزنے بھی حصہ لیا جس کے دوران 35 مشتبہ افراد کو حراست میں لیا گیا ۔

پولیس کے مطابق حراست میں لئے گئے افراد بغیر دستاویزات کے کرائے پر رہ رہے تھے۔ زیر حراست ملزمان سے تفتیش کا سلسلہ جاری ہے۔

دوسری جانب قائدآباد کے علاقے لیبر اسکوائر میں بھی پولیس نے کارروائی کی اور 5 ملزمان کو گرفتار کرلیا۔ پولیس کے مطابق گرفتار ملزمان میں شکیل احمد،بابر علی ،مسعود،شہاب اور نعمان عرف مچھڑ شامل ہیں ۔ ملزمان ٹیکسٹائل مل سے لاکھوں روپے مالیت کا کیبل وائر لوٹ رہے تھے۔

ناظم آباد میں پولیس نے کارروائی کرکے 4 ملزمان کو گرفتار کرلیا۔ پولیس کے مطابق ملزمان اسٹریٹ کرائمز کی مختلف وارداتوں میں ملوث ہیں جن کے قبضے سے اسلحہ، چھینی گئی موٹر سائیکل اور موبائل برآمد کرلیا گیا ہے۔

SHARE

LEAVE A REPLY