میں نے سنا ہے ۔۔ڈاکٹر نگہت نسیم

0
481

خدا سے کلام ۔۔۔۔ ۔۔ڈاکٹر نگہت نسیم

اے خدا
میں نے سنا ہے
کرہ ارض پر ایک ایسا ملک بھی ہے
جس کی زمین
معصوم لہو سے گل رنگ رہتی ہے
جہاں ہر طرف خاک ہی اڑتی ہے
سنا ہے ۔۔۔
موت جب بھی وہاں کوئی واردات نئی کرتی ہے
بوکھلائی ہوئی رات اکثر دن چڑھے ہی آجاتی ہے
سنا ہے ۔۔
کچھ پرندے
خشک پیڑوں کی شاخوں سے لپٹےمرے پڑے ہیں
کچھ اب بھی پھولوں کے ملبے تلے کراہ رہے ہیں
اے خدا ۔۔!
میدان جنگ کی وسعت جتنی بڑھتی جا رہی ہے
تیری تخلیق کی قیمت اتنی گھٹتی جا رہی ہے
میں نے تو یہ بھی سنا ہے
پر ۔۔۔ کیا ۔۔ یہ سچ ہے
اب ۔۔۔
کوئی حیات تازہ
شام و کشمیر کے دکھوں کو نہیں سمجھے گی
عمر کے اس اختصار پر استغاثہ نہیں کرے گی

SHARE

LEAVE A REPLY