آسٹریلیا میں مسلسل دوسرے روز کرونا وائرس سے کوئی ہلاکت نہیں ہوئی ہے اور ایسا آسٹریلیا میں لگ بھگ تین ماہ بعد ہوا ہے۔
گزشتہ 24 گھنٹوں کے دوران آسٹریلوی ریاستوں اور زیرِ انتظام علاقوں میں کووڈ 19 کے 16 کیسز سامنے آئے ہیں جب کہ جمعرات کو 28 کیسز رپورٹ ہوئے تھے۔ البتہ گزشتہ دو روز کے دوران کرونا وائرس سے کوئی ہلاکت نہیں ہوئی۔
خبر رساں ادارے ‘رائٹرز’ کے مطابق گیارہ جولائی کے بعد یہ پہلا موقع ہے جب آسٹریلیا میں 48 گھنٹوں کے دوران کرونا سے کوئی ہلاکت نہیں ہوئی۔
