لاہور میں داتا دربار کے نزدیک مشتبہ حملہ آور کی پولیس کی گاڑی کے قریب آنے کی تصویر منظر عام پر آگئی جو دھماکے سے چند سیکنڈ قبل کی ہے۔
سی سی ٹی وی کیمرے کی فوٹیج سے حاصل کی گئی تصویر پر دیکھا جاسکتا ہے کہ مشتبہ حملہ آور ایلیٹ فورس کی گاڑی کے پاس پہنچا، مشتبہ حملہ آور کی تصویر پر وقت 8 بجکر 54 منٹ لکھا نظر آ رہا ہے۔
ذرائع کا یہ بھی کہنا ہے کہ مشتبہ حملہ آور کے بارے میں تفتیش جاری ہے۔
علاوہ ازیں وفاقی وزیر داخلہ اعجاز شاہ نے میڈیا سے گفتگو کرتے ہوئے کہا ہے کہ داتا دربار لاہور کے قریب ہونے والا دھماکا خود کش ہے، جس میں ایلیٹ فورس کی گاڑی کو ٹارگٹ کیا گیا۔
