پاکستان نے اقوام متحدہ میں سفارتی رابطے تیز کر دیئے۔ ملیحہ لودھی نے سیکرٹری جنرل سے مطالبہ کیا ہے کہ وہ بھارت کی جانب سے سلامتی کونسل کی قراردادوں پر عمل یقینی بنائیں۔
اقوام متحدہ میں پاکستان کی مستقل مندوب ملیحہ لودھی نے سیکرٹری جنرل کے چیف آف سٹاف سے ملاقات میں کشمیر میں بگڑتی صورتحال اور علاقائی امن کو لاحق سنگین خطرات سے آگاہ کیا۔ انہوں نے پاکستان کی جانب سے لائحہ عمل پر سیکرٹری جنرل کی ٹیم کو تفصیل سے بتایا۔
ملیحہ لودھی نے مطالبہ کیا کہ مقبوضہ کشمیر میں انسانی حقوق کی خلاف ورزیوں کا جائزہ لینے کے لیے انکوائری کمیشن تشکیل دیا جائے۔
