عالمی ادارۂ صحت نے کہا ہے کہ کرونا وائرس کے لیے محفوظ ویکسین آئندہ برس کے وسط سے پہلے دستیاب نہیں ہو گی۔
کرونا ویکسین سے متعلق توقعات کے حوالے سے پیغام دیتے ہوئے طبی ماہرین کا کہنا ہے کہ ایک محفوظ ویکسین کی تیاری میں وقت درکار ہوتا ہے۔ اس میں تیزی نہیں دکھائی جا سکتی۔
عالمی ادارۂ صحت کی رپورٹ میں کہا گیا ہے کہ 6 سے 9 ویکسینز آزمائشی بنیادوں پر مریضوں کو دی جا رہی ہیں۔
عالمی ادارۂ صحت کی ترجمان مارگریٹ ہیرس کا کہنا ہے کہ کسی بھی ویکسین کا استعمال محفوظ ہونا چاہیے اور اسے کرونا وائرس کے خلاف کارآمد بھی ہونا چاہیے۔
ہیرس نے مزید کہا کہ ویکسین کے تمام مراحل کی نگرانی کیے جانے کی وجہ سے ویکسین کی تیاری پر کافی وقت لگتا ہے۔
