پاکستان سے ٹی ٹوئنٹی میچز کی سیریز کے لیے سری لنکن اسکواڈ کا اعلان کردیا گیا۔
15 رُکنی سری لنکن اسکواڈ کی قیادت کوشال مینڈس کریں گے، جب کہ دیگرکھلاڑیوں میں کامل مشارا،سنتھ جے وردھنے، لاہیرو اُدارا، سہان اراچیگے شامل ہیں۔
اس کے علاوہ کمندو مینڈس، دسُن شناکا، چمندو وکرما سنگھے، دونیتھ ویلالاگے، مہیش تھیکشانا بھی اسکواڈ کا حصہ ہیں۔
وجے اکانتھ ویاساکانتھ، دُشمانتا چمیرا، بینورا فرنانڈو، نوان توشارا اور ایشان ملنگا بھی اسکواڈ میں شامل ہیں۔
دو کھلاڑی سیریز سے باہر:
سری لنکن میڈیا کے مطابق پاتھم نشانکا اور وانندو ہسارانگا انجری کے باعث ٹی ٹوئنٹی سیریز کا حصہ نہیں ہوں گے۔
پاتھم نشانکا کو دائیں ٹانگ میں تکلیف کا سامنا ہے جب کہ وانندو ہسارانگا کمر کی تکلیف سے صحتیاب نہیں ہو سکے ہیں۔
سری لنکن میڈیا کے مطابق دونوں کھلاڑیوں کی سہ ملکی سیریز کے لیے دستیابی کا امکان ہے۔
واضح رہے کہ پاکستان اور سری لنکا کی ٹیمیں 9 سے 13 اکتوبر تک راولپنڈی میں 3 ٹی 20 میچز کھیلیں گی جب کہ 18 سے 31 اکتوبر تک راولپنڈی اور لاہور میں 3 ملکی ون ڈے سیریز کھیلی جائے گی۔
سری لنکن میڈیا کے مطابق دونوں کھلاڑیوں کی سہ ملکی سیریز کے لیے دستیابی کا امکان ہے۔
