برطانیہ کے سابق بریگزٹ وزیر ڈیوڈ ڈیوس کا کہنا ہے کہ وزیراعظم ٹیرزا مے کو بریگزٹ ڈیل کے حوالے سے پارلیمان میں ووٹنگ ملتوی کر دینا چاہیے۔ برطانوی اخبار ٹیلی گراف میں اپنے ایک مضمون میں ڈیوس نے کہا کہ یورپی یونین کے ساتھ بغیر کسی معاہدے کے اخراج کی تیاری، ایک بہتر ڈیل تک پہنچنے میں مدد دے گی۔ انہوں نے کہا کہ یورپی یونین کو پریشانی ہے کہ یہ ڈیل منظور نہ ہوئی، تو وہ اس ڈیل کے ساتھ ملنے والی 39 ارب پاؤنڈز کی رقم سے محروم ہو سکتی ہے۔
