پنجاب پولیس آج چیف جسٹس لاہور ہائی کورٹ کو قصور میں زینب قتل کیس رپورٹ پیش کرے گی
ذرائع کے مطابق پنجاب پولیس آج چیف جسٹس لاہور ہائی کورٹ کو قصور میں زیادتی کے بعد قتل ہونے والی زینب کے واقعہ کی رپورٹ پیش کرے گی۔
ذرائع کے مطابق پنجاب پولیس کی رپورٹ میں کہا گیا ہے کہ زینب قتل کیس میں اب تک ایک ہزار سے زائد افراد سے تفتیش کی گئی۔
قاتلوں کا سراغ لگانے کیلئے 100 سے زائد افراد کے ڈی این اے نمونے حاصل کر لئے گئے ہیں، زینب قتل کیس میں انتہائی اہم شواہد ملے ہیں ، جن کو کو حکمت عملی کے تحت خفیہ رکھا جا رہا ہے۔وفاقی،صوبائی تحقیقاتی و خفیہ ادارے باہمی تعاون کے ساتھ کام کر رہے ہیں۔
چیف جسٹس لاہور ہائیکورٹ نے زینب قتل کیس پر از خود نوٹس لیا تھا۔
