کرم ایجنسی میں افغانستان سے آنے والے مال بردار ٹرک دھماکے سے مکمل طور پر تباہ ہو گیا اسسٹنٹ پولیٹیکل ایجنٹ شاہد علی خان کے مطابق افغانستان کے صوبہ پکتیا سے سامان سے ایک بهرا ٹرک کرم ایجنسی آ رہا تھا کہ بوڑکی خرلاچی بارڈر پر پاکستانی علاقے میں داخل ہونے کے بعد فورسز کے چیک پوسٹ سے 70 میٹر کے فاصلے پر اس میں دھماکا ہوا .
چیک پوسٹ سے فاصلے کی وجہ سے کوئی جانی نقصان نہیں ہوا. دھماکے سے ٹرک مکمل طور پر تباہ ہو گیا. شاید علی خان کے مطابق دھماکہ ٹرک میں رکھے گئے ٹائم ڈیوائس سے ہوا ہے . دھماکے کے بعد ٹرک ڈرائیور اور کنڈیکٹر کو گرفتار کرکے واقعے کی تحقیقات شروع کردی گئی ہے.
ایم این اے ساجد طوری نے کرم ایجنسی تخریب کاری کی ایک اور کوشش کی مذمت کی ہے اور حکومت سےپاک افغان سرحد کی نگرانی سخت کرنے کا مطالبہ کیا ہے
جابر حسین
