وفاقی تعلیمی ادارےنے امتحانی فیس میں ساٹھ فی اضافہ کر دیا۔ وفاقی وزیر تعلیم سے مداخلت کی اپیل۔
(ملک اسلم اعوان نمائندہ، عالمی اخبار اسلام آباد پاکستان)

وفاقی تعلیمی ادارے (ایف بی آئی ایس سی) نے گیارہویں اور بارہویں جماعت کے سالانہ امتحانات-2023 کے لیے امتحانی فیس میں ساٹھ فی صد اضافہ کر دیا ہے۔ گزشتہ سال امتحانی فیس 1700روپے تھی جبکہ اس سال اس فیس کو بڑھا 2700 روپے فی طالبعلم کردیا گیا ہے جو کہ سراسر ناانصافی ہے۔ ایک طرف عوام مہنگائی کے بوجھ تلے دبتے جا رہے ہیں اور کوئ پرسان حال نہیں ہے دوسری طرف ادارے من مانیوں میں مصروف ہیں۔ اٹا، گھی،چاول،دالیں،
سبزیاں،پٹرول،ڈیزل،مٹی کاتیل اور ٹرانسپورٹ کے کرایوں میں بےتحاشہ اضافہ ہو چکا ہے جبکہ دوسری طرف ادارے بھی عوام کی جیبوں پر ڈاکہ ڈالنے میں مصروف ہیں۔ اگر کسی کے تین بچے گیارہویں اور بارہویں جماعت میں زیر تعلیم ہیں تو اس 8100 روپے امتحانی فیس کی مد میں جمع کروانے ہوں گے جو کہ نا ممکن ہے۔ عوام پوچھنے میں حق بجانب ہیں کہ یہ اضافہ بھی آئ ایم ایف کے دباؤ کا نتیجہ ہے؟
والدین کی کثیر تعداد نے اس سلسلے میں وفاقی وزیر تعلیم سے درخواست کی ہے معاملے کا فوری نوٹس لیتے ہوئے فیصلے کو کالعدم قرار دینے کا مطالبہ کیا ہے۔ ایف بی آئی ایس آئی کے اس فیصلے سے لگتا ہے کہ وفاقی وزیر تعلیم اس صورت حال سے بے خبر ہیں۔ اگر اس فیصلے کو منسوخ نہ کیا گیا تو ملک کے باقی تمام تعلیمی ادارے بھی امتحانی فیس میں اضافہ کرنے میں حق بجانب ہوں گے۔

SHARE

LEAVE A REPLY