سرائیل کے گولانی بریگیڈ کے سابق کمانڈر اور قابض فوج کے سابق ڈپٹی چیف آف سٹاف موشے کاپلنسکی نے کہا ہے کہ آپریشن طوفان الاقصیٰ اور اس کے نتیجے میں غزہ میں زمینی جنگ کے آغاز کے بعد سے بریگیڈ اپنی لڑاکا افواج کا ایک چوتھائی حصہ کھو چکی ہے۔
سابق کمانڈر نے کل شام اسرائیلی چینل 12 کے ساتھ ایک انٹرویو کے دوران کہا کہ کہ گولانی بریگیڈ جو کہ قابض فوج کی ایلیٹ بریگیڈ میں سے ایک ہے، کو بھاری جانی نقصان پہنچا، اس کے بریگیڈ کے کم از کم 82 فوجی اور افسران مارے گئے۔
کپلنسکی نے بریگیڈ کی اس دھچکے کے باوجود قتل عام جاری رکھنے کی صلاحیت کے بارے میں ایک سوال کا جواب دیا ۔ انہوں نے کہا کہ “میرے خیال میں نہ صرف وہ نقصانات ہیں جو اسے اب (یعنی زمینی جنگ کے دوران) بھگتنا پڑ رہے ہیں، بلکہ گولانی بریگیڈ نے پہلے دن ہی جنگ کا آغاز کیا تھا۔ اس کے 72 فوجی مارے گئے تھے۔
انھوں نے نشاندہی کی کہ انھوں نے 13ویں بٹالین کے کمانڈر میجر جنرل ٹومر گرین برگ سے ملاقات کی تھی، جو چند روز قبل غزہ کے مشرق میں واقع شجاعیہ محلے میں مزاحمت کی جانب سے تلاش کے لیے جاتے ہوئے 8 فوجیوں کے ساتھ مارے گئے تھے۔
بریگیڈ کی چار بٹالین میں سے اکیلے 13ویں بٹالین نے 7 اکتوبر کو لڑائیوں کے دوران 41 سپاہیوں اور افسروں کو کھو دیا اور اس کی بدقسمتی کا سلسلہ بعد میں بھی جاری رہا۔













