بھارت نے پاکستان سے کالعدم جماعت الدعوہ کے سربراہ حافظ سعید کی حوالگی کا مطالبہ کردیا۔
ذرائع کے مطابق بھارت کی طرف سے حافظ سعید کو پلوامہ حملے کی تحقیقات میں نامزد کیا گیا ہے۔
ذرائع نے بتایاکہ بھارت حکومت نے وزارت خارجہ کو درخواست دے دی ہے۔
ذرائع کا کہنا ہے کہ بھارت نے پہلے پلوامہ حملے میں جیش محمد کے ملوث ہونے کا دعویٰ کیا تھا۔
وزارت خارجہ نے بھارتی مطالبے کی تصدیق یا تردید سے گریز کیا۔
خیال رہے کہ گزشتہ سال لاہور کی عدالت نے غیر قانونی فنڈنگ کے کیسز میں حافظ سعید کو 31 برس قید کی سزا سنائی تھی۔
