فرانسیسی انٹیلیجنس سروس کی طرف سے جاری کردہ ایک رپورٹ کے مطابق شام میں باغیوں کے زیر قبضہ علاقے میں رواں ماہ کے آغاز میں ہونے والے کیمیائی حملے کی ذمہ دار شامی حکومت ہے۔
فرانسیسی وزیر خارجہ ژاں مارک ایرو کے مطابق چار اپریل کو خان شیخون کے علاقے میں ہونے والے حملے کے بعد وہاں سے حاصل کردہ نمونوں کے تجزیے سے معلوم ہوا کہ وہاں سرین گیس کا استعمال کیا گیا۔
ان کا یہ بھی کہنا تھا کہ اس بات میں کوئی شبہ نہیں کہ حملے کی ذمہ دار شامی حکومت ہی ہے۔ خان شیخون کے علاقے میں ہونے والے کیمیائی حملے کے نتیجے میں 87 افراد ہلاک ہوئے تھے۔
