تفہیم کربلا
کیا خواب تھا کہ جس کی ہے تعبیر کربلا
رمز من الحسین کی تفسیر کربلا
سجدے کو ثبت کر گیا لوح زماں پہ جو
اس نفس مطمعنہ کی تصویر کربلا
سوکھی زباں پہ ذکر تھا اصحاب کہف کا
نوک سناں پہ جرأت تقریر کربلا
جو کٹ گیا ہے خنجر خونخوار شمر سے
ہے اس گلے کے خون کی تاثیر کربلا
مارے گیے جو پیاس کے صحرا میں بے خطا
ان کے لیے ہے أج بھی دلگیر کربلا
سورج تو ڈوب جاتا ہے ہر شام کو مگر
ہر دم جو ضو فشاں ہے وہ تنویر کربلا
عباس ہے علی کاوہ فرزند ارجمند
جس کےبریدہ ہاتھ میں شمشیر کربلا
ہرلفظ دل دریدہ تھا ہر سطر خوں میں تر
نوک قلم پہ تھی دم تحریر کربلا
ظالم کے ساتھ جینا بھی اک ظلم ہے نوید
اس نکتۀ حیات کی تشہیر کربلا
سلام گزار: زاہد حسین نوید
