ڈاکٹر نگہت نسیم کی تازہ ترین نظم۔ آو چائے پیتے ہیں

0
2197

میرے محبوب
آو چائے پیتے ہیں
چائے زندہ لوگ پیا کرتے ہیں
تمہارے لب کتنے تازہ  ہیں
جن پر
سانسوں کی بھاپ
قطرہ قطرہ ہو کر نثار  ہو رہی ہے
ارے ۔۔۔ دیکھو
تمہاری عینک تک  دھندلا رہی ہے
پر ۔۔  عینک کے پیچھے تمہاری دلدار آنکھیں
پیارکی لپکیں مار رہی ہیں
جن کی حدت مجھے پہنچ رہی ہے
میرے محبوب
تمہارے میرے درمیان  کئی  آفاق ہیں
زمان و مکان کے مختلف اوقات ہیں
جانے کتنے پرندے پودے پتھر ہیں
اف ۔۔۔۔۔ میری باتیں
تم بے اختیار مسکرا رہے ہو
تمہاری مسکراہٹ کتنی جاندار ہے
گنگناتے سے لب بڑے شاندار ہیں
میرے محبوب
آو چائے پیتے ہیں
تمہارے لب  زندہ ہیں
میرا عشق زندہ ہے
چائے تو صرف زندہ لوگ پیا کرتے ہیں

ڈاکٹر نگہت نسیم
20 ستمبر دوہزار سترہ

SHARE

LEAVE A REPLY