غزنی کی صوبائی کونسل کے رکن ناصر احمد فقیری نے بتایا ہے کہ طالبان عسکریت پسندوں نے شہر کی کئی چیک پوسٹوں پر حملے کیے ہیں۔ فقیری کے مطابق بعض مقامات پر شدت پسند شہری حدود میں بھی داخل ہو گئے ہیں اور حکومتی سکیورٹی فورسز کے ساتھ جھڑپیں بھی ہوئی ہیں۔
صوبائی کونسل کے رکن کے مطابق یہ حملے سابقہ حملوں کی طرح طاقتور نہیں تھے لیکن لوگوں میں خوف و ہراس پیدا ہوا ہے۔ دوسری جانب غزنی کے گورنر کے ترجمان نے حملوں کی تردید کی ہے۔
