سندھ ہائی کورٹ نے سابق وزیرِ اعظم میاں محمد نواز شریف کی لندن میں مصروفیات اور قیام میں توسیع کے خلاف درخواست کے قابلِ سماعت ہونے پر دلائل طلب کر لیے۔
سابق وزیرِ اعظم میاں محمد نواز شریف کی لندن میں مصروفیات اور قیام میں توسیع کے خلاف سندھ ہائی کورٹ میں درخواست کی سماعت ہوئی۔
حکومت نواز شریف کی میڈیکل رپورٹس پر قانونی کارروائی کرے، لاہور ہائیکورٹ
عدالتِ عالیہ نے ریمارکس دیئے کہ درخواست اس عدالت میں دائر کریں جس نے نواز شریف کو ضمانت دی ہے، ہم اس درخواست کو کیسے سن سکتے ہیں۔
درخواست گزار نے استدعا کی کہ معزز عدالت اسی طرح اس درخواست کو سن سکتی ہے جیسے خصوصی عدالت کے فیصلے کے خلاف لاہور ہائی کورٹ نے پرویز مشرف کی اپیل سنی۔
عدالت نے درخواست قابلِ سماعت ہونے پر دلائل طلب کرلیے اور مدعی کے وکیل کو آئندہ سماعت پر تیاری کر کے آنے کی ہدایت کی۔
جسٹس محمد علی مظہر نے کہا کہ آئندہ سماعت پر مطمئن کریں کہ یہ عدالت درخواست سن سکتی ہے یا نہیں۔
