راولپنڈی ٹیسٹ میں انگلینڈ نے پاکستان کو 74 رنز سے شکست دیکر سیریز میں برتری حاصل کرلی۔
راولپنڈی کرکٹ اسٹیڈیم میں کھیلے جارہے ٹیسٹ میچ کے پانچویں اور آخری دن پاکستان نے 80 رنز 2 وکٹوں کے نقصان پر اپنی دوسری اننگز کا دوبارہ آغاز کیا تو امام الحق 43 جب کہ سعود شکیل 24 رنز بناچکے تھے۔
89 رنز پر پاکستان کو تیسرا نقصان امام الحق کی صورت میں اٹھانا پڑا، انہیں 48 رنز پر جیمز اینڈرسن نے آؤٹ کیا۔
امام الحق کے آؤٹ ہونے کے بعد پاکستان کی بیٹنگ مزید سست اور دفاعی ہوگئی۔ صورت حال یہ تھی کہ 18 گیندیں کھیل کر بھی رضوان نے اپنا کھاتہ نہیں کھولا تھا۔












