سری لنکن کھلاڑی ہیراتھ ٹیسٹ کرکٹ میں سب سے زیادہ وکٹیں حاصل کرنے والے لیفٹ آرم اسپنر بن گئے۔

ہیراتھ نے بنگلادیش کے خلاف گال ٹیسٹ میں مجموعی طور پر نو وکٹیں حاصل کرکے یہ کارنامہ انجام دیا ۔

ہیراتھ سے قبل نیوزی لینڈ کے ڈینیئل ویٹوری ٹیسٹ کرکٹ میں 362 شکار کرچکے تھے لیکن انہوں نے113 ٹیسٹ میں اتنی وکٹیں حاصل کیں جبکہ رنگنا ہیراتھ نے صر ف 79 ویں ٹیسٹ میں یہ کارنامہ انجام دیا۔

انہوں نے دوسری اننگز میں چھ بنگلادیشی بیٹسمینوں کو آؤٹ کرکے کیرئیر میں 29 ویں بار پانچ یا زائد شکار کئے۔ ہیراتھ سات مرتبہ میچ میں 10 یا زائد کھلاڑیوں کو بھی آئوٹ کرچکے ہیں ۔

رنگنا ہیراتھ مرلی دھرن کے بعد سری لنکامیں سب سے زیادہ وکٹیں حاصل کرنے والے بولر بھی بن گئے۔

مرلی دھرن 133 ٹیسٹ800 وکٹیں حاصل کرچکے ہیں۔اس طرح ٹیسٹ کرکٹ میں دائیں اور بائیں ہاتھ سے سب سے زیادہ وکٹیں حاصل کرنے والے اسپینرز کا اعزاز سری لنکا نے حاصل کرلیا ہے

SHARE

LEAVE A REPLY