جرمن چانسلر انگیلا میرکل نے جرمنی میں مسلم کمیونٹی کے مذہبی فرائض کو ریگولیٹ کرنے کا مطالبہ مسترد کر دیا ہے۔
میرکل کی اپنی ہی سیاسی جماعت کرسچن ڈٰیموکریٹک یونین نے تجویز کیا تھا کہ ملک میں ایسے قواعد متعارف کرائے جائیں، جن کے تحت مسلمانوں کے حقوق اور فرائض کا تعین کیا جائے۔ اس مجوزہ منصوبے میں مسلم مبلغین کے سخت ضوابط اور مسجدوں کی رجسٹریشن کی بات بھی کی گئی تھی۔
تاہم میرکل نے کہا کہ جرمنی میں مذہبی برداشت اور آزادی جیسے اصولوں پر سمجھوتہ نہیں ہونا چاہیے۔












