اقوام متحدہ کی سلامتی کونسل نے شمالی کوریا کی طرف سے نئے میزائل تجربے کے بعد اپنے ایک خصوصی اجلاس میں کمیونسٹ کوریا کے ان اشتعال انگیز اقدامات کی مذمت تو کی لیکن فوری طور پر کوئی نئی پابندیاں عائد کرنے کا کوئی فیصلہ نہیں کیا۔
سلامتی کونسل کے موجودہ صدر اور یوروگوآئے کے سفارت کار اَیلبیو روسَیلی نے کہا کہ شمالی کوریا جوہری اور بیلسٹک میزائلوں کے جو تجربات کر رہا ہے، سلامتی کونسل انہیں پوری شدت سے مسترد کرتی ہے۔ تاہم پیونگ یانگ کے خلاف کوئی نئی پابندیاں عائد کرنے سے بہتر یہ ہو گا کہ اس کے خلاف جو پابندیاں پہلے سے عائد ہیں، تمام ممالک ان پر مکمل عمل درآمد کو یقینی بنائیں۔
