انگلش کرکٹ ٹیم نے تیسرے ایک روزہ بین الااقوامی میچ میں نیوزی لینڈ کو 181 رنز کے بڑے مارجن سے شکست دے دی۔
اوول کرکٹ سٹیڈیم میں کھیلے جانے والے 4 میچز پر مشتمل ون ڈے سیریز کے تیسرے میچ میں کیویز ٹیم نے ٹاس جیت کر پہلے فیلڈنگ کا فیصلہ کیا جبکہ انگلش ٹیم نے 48.1 اوورز میں 368 رنز بنائے۔
انگلینڈ کی جانب سے بین سٹوکس نے شاندار بیٹنگ کا مظاہرہ کرتے ہوئے 124 گیندوں پر 182 رنز کی بڑی اننگ کھیلی، ان کی اننگ میں 15 چوکے اور 9 چھکے شامل تھے جبکہ ڈیوڈ میلان نے 96 اور جوز بٹلر نے 38 رنز بنائے۔
دیگر بیٹرز میں معین علی نے 12، لیام نے 11، جوئے روٹ نے 4، سیم کرن اور کرس ووکس نے 3،3 رنز کی اننگ کھیلی۔
کیویز ٹیم کی جانب سے ٹرینٹ بولٹ نے عمدہ باؤلنگ کا مظاہرہ کرتے ہوئے9.1 اوورز میں 51 رنز کے عوض 5 کھلاڑیوں کو پویلین کی راہ دکھائی جبکہ بین لسٹر نے 3 اور گلین فلپس نے ایک وکٹ حاصل کی۔
