ایران کا سعودی عرب اور امریکا پر داعش کی حمایت کا الزام

0
111

ایران نے امریکا اور سعودی عرب پر جہادی گروپ اسلامک اسٹیٹ کی حمایت کا الزام عائد کیا ہے۔

ایران کے سرکاری میڈیا کے مطابق بدھ کے روز تہران میں ہوئے دوہرے حملوں میں ہلاک ہونے والوں کی آخری رسومات سے قبل آج اپنے تعزیتی بیان میں ایران کے سپریم لیڈر آیت اللہ خامنہ ای نے کہا کہ ان حملوں سے ایران میں امریکا اور خطے میں اُس کے سعودی عرب جیسے اتحادیوں کے خلاف جذبات میں اضافہ ہو گا۔

دوسری جانب ایران کے سرکاری ٹی وی کے مطابق ملک کی انٹیلیجنس وزارت نے آج تہران اور مغربی کرد صوبوں سے 41 افراد کو حراست میں لیا ہے جن کو رپورٹ کی رو سے’ جہادی گروپ اسلامک اسٹیٹ کے وہابی عناصر‘ کہا گیا ہے۔ رواں ہفتے تہران میں ہوئے دوہرے حملوں میں سترہ افراد ہلاک ہو گئے تھے۔ حملے کی ذمہ داری داعش نے قبول کی تھی۔

SHARE

LEAVE A REPLY