شاعر،ادیب،محقق،استاد،مرثیہ نگار اور عالمی اخبار کے مدیر اعلی صفدر ھمدانی کویت کے پندرہ روزہ علمی ادبی فکری دورے کے بعد واپس لندن پہنچ چکے ہیں
انہیں کویت کے اس دورے کی دعوت انجمن تخلیق وتہذیب کویت نے دی تھی اور اسکا سارا انتظام و انصرام بھی اس تنظیم نے خود ہی کیا تھا
صفدر ہمدانی کا یہ تیسرا دورہ کویت تھا کہ وہ اس سے قبل دوہزار گیارہ اور دوہزار تیرہ میں بھی ملک کویت کا ادبی علمی دورہ کر چکے ہیں
تنظیم کی بانی اور صدر شاہین اشرف علی انکے شوہر اشرف علی،ووپ میڈیا کے طارق اقبال خاص طور پر اس کامیاب دورے پر مبارکباد کے مستحق ہیں

صفدر ھمدانی اکتیس اگست کو لندن سے روانہ ہو کر یکم ستمبر بڑی عید کے روز کویت پہنچے تھے جہاں شاہین اشرف علی،اشرف علی،طارق اقبال نے انکا خیر مقدم کیا۔ انکا قیام شاہین اشرف علی کے گھر پر تھا
چار ستمبر کو کویت کے ایک شاندار ہوٹل میں صفدر ھمدانی کے قلمی سفر کی نصف صدی کے حوالے سے ایک شاندار تقریب ہوئی جس کے بعد مسلسل تقاریب اور نجی محافل کا سلسلہ جاری رہا

لندن روانگی سے قبل کویت کے دورے پر تشریف لائے صفدر ھمدانی کے اعزاز میں ایک نہایت شاندار تقریب کا اہتمام کیا جو شہر کے ایک اعلی ہوٹل میں منعقد ہوئی
یہ تقریب صفدر ھمدانی کے اس تیسرے دورہ کویت کی آخری علمی ادبی تقریب تھی ۔وسیع اسٹیج پر اس تقریب کے تمام منتظمین پیر امجد حسین، رانا منیر احمد، اشتیاق ملک، عتیق الرحمن،اخلاق احمد ملک،آصف جمال،خال منہاس اور یوسف قریشی کے ساتھ مہمان خصوصی صفدر ھمدانی اور صدر محفل پاکستان کے سفیر عزت مآب غلام دستگیر موجود تھے جو اپنی بے پناہ مصروفیات کے باوجود جناب صفدر ھمدانی کو الوداع کہنے کی خاطر کچھ دیر کے لیئے تقریب میں شریک ہوئےاس موقع پر مہمان خصوصی صفدر ھمدانی نے پاکستانی کیمونٹی ان کویت کی طرف سے ایسی خوبصورت تقریب کے انعقاد پر مسرت کا اظہار کیا اور شکریہ ادا کرتے ہوئے کھلے دل سے یہ اعتراف کیا کہ کویت کے اس تیسرے سفر میں جو عزت کویت کے عالمی ، ادبی،دینی اور سماجی طبقوں نے دی ہے وہ انکو دنیا میں کہیں نہیں ملی

انہوں نے خاص طور پر سفیر پاکستان جناب غلام دستگیر کو فرزند ریڈیو پاکستان قرار دیتے ہوئے انکی محبتوں کا شکریہ ادا کیا اور اس بات پر اطمینان ظاہر کیا کہ سفیر موصوف نے کویت میں ادبی فضا اور ماحول کو بہترین بنانے میں اپنا اہم کردار ادا کیا ہے
تقریب کے اختتام پر صفدر ھمدانی نے اپنی منتخب شاعری پیش کر کے بہت داد وصول کی جسکے بعد انتہائی پُر تکلف عشائیہ پیش کیا گیا اور آخر میں صفدر ھمدانی نے دیگر احباب کے ساتھ مل کر کیک کاٹا
صفدر ھمدانی کی ایک اہم مصروفیت کویت میں ایک پاکستانی تعلیمی ادارے کری ایٹو کوچنگ سینٹر کا دورہ تحا جسکی روح رواں حنا سلیم اور انکی رہبری میں کام کرنے والی مستعد اور با صلاحیت اساتذہ کی جماعت ہے۔ صفدر صاحب ادارے کی کارکردگی سے بہت متاثر ہو ئے

سفیر پاکستان جناب غلام دستگیر نے صفدر ھمدانی کے اعزاز میں اپنے در دولت پر عشایئہ دیا جسمیں منتخب اہل وطن نے شرکت کی


سولہ دسمبر کی صبح میں نے شاہین اشرف علی نے اور میرے ہم سفر اشرف علی نے کویت کے ہوائی اڈے پر صفدر ھمدانی کو الوداع کہا اس یقین کے ساتھ کہ وہ جلد دوبارہ کویت تشریف لائیں گے
صفدر ھمدانی بفضل تعالیِ اب واپس لندن پہنچ چکے ہیں
شاہین اشرف علی ،کویت














MaSahaAllah. It seems like a very busy and successful visit to Kuwait. Lots of duaas and congratulations to organisers and Mr Safdar Hamadani.