سحر نسیم سحر کی شاعری

سحر نسیم سحر لاہور

اپنی بہن کے نام ایک نظم
۔۔۔۔۔۔میری ماں ہے اب جنت۔۔۔۔
ماں میں تیرے ساتھ ہی تو تھا
جب تیری جان نکلی ہوگی
جب فرشتوں کو آتے دیکھا ہوگا
اک نظر مجھ پر بھی تو ڈالی ہوگی
میرے بارے میں سوچ کر
ماں۔۔۔۔۔۔۔۔۔۔۔ ۔۔۔۔۔۔ ۔۔۔۔۔۔۔
تیرا دل پھٹ گیا ہوگا
چاہا ہوگا کچھ کہہ دوں
میرے سر پر ہاتھ رکھ کر
میرے انسو بہنیں سے پہلے
مجھے تسلی دے دوں
مگر ۔۔۔۔۔۔۔۔۔۔۔۔۔۔۔ ۔۔۔۔۔
حکم ربی ! کچھ کر نہ سکی ہوگی
کس کا زور چلا ہے اس کے آگے
مجھے چھوڑ کر خاموشی سے
تو رخصت ہو گئی
ایک پل میں مجھ سے کھو گئی
تیری انکھوں کی نمی نے
سب کچھ کہہ دیا ہوگا
تیرے ہر ایک آنسو نے میرے نام
اک پیغام دیا ہوگا
کاش خدا ایک لمحے بھر کو
پھر تجھ سے ملا دے
تیرے قدموں میں سر رکھ کر
جی بھر کر مجھے رلا دے
تیری ممتا بھری صورت دکھا دے
اے میرے رب
میری ماں پر اپنی رحمت برسا دینا
جنت الفردوس کے باغوں میں
اس کا گھر سجا دینا
میری ماں ہے اب جنت میں
مجھ کو یہ بتا دینا

،،،،،،،،،،،،،،،،،،،،،،،،،،،،،

نعت رسول مقبول
ان کے در کے سوا جو بھی جائے کہیں
پھر تو ہرگز وہ بخشش نہ پائے کہیں
ان کے در سے جو ملتا سبھی کچھ ہے
کیوں نظر اور در پہ جمائے کہیں
میرا اللہ تو سب کا مددگار ہے
مجھ سے عاصی کو در پہ بلائے کہیں
رحم کی ہے طلب مولا صلی علی
مجھ کو طیبہ کی گلیاں دکھائے کہیں
یہ زمین بھی تری اسماں بھی ترا
جیسے روضہ ترا دیکھ پائے کہیں
میں پریشان ہوں اور بے چین بھی
جام کوثر کا مجھ کو پلائے کہیں
سحر نسیم سحر

،،،،،،،،،،،،،،،،،،،،،،،،،،،،،،،،،،،،،،

غزل
سحر نسیم سحر

یوں نہ جینے کی ہمدم سزا دے مجھے
کب کہاں تو ملے گا بتا دے مجھے

ٹوٹ کر اب بکھرنے لگی ہوں صنم
آخری وقت میں حوصلہ دے مجھے

میں تجھے بھول کر کیسے زندہ رہوں
کوئی تو ہی طریقہ سکھا دے مجھے

تو بسا ہے مری روح میں آج بھی
ہے مرا جرم تو پھر سزا دے مجھے

میں تجھے دیکھ لوں تو مجھے دیکھ لے
ایک بار اپنے درشن کرا دے مجھے

بے سہارا چلی ، گر پڑی راہ میں
آ مرے ساتھیا تو اٹھا دے مجھے

مانگتی ہے دعا یہ سحر بے نوا
اے خدا معجزہ اب دکھا دے مجھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حمد باری تعالی
سحر نسیم سحر
ہمیشہ ہی تیری عبادت کروں میں
کبھی نہ تجھ سے شکایت کروں میں
تیرے ذکر سے جو خدایا ہے ملتی
بیاں کس طرح وہ لطافت کروں میں
جھکاؤں میں کعبہ میں جا کر جبیں کو
وہی عمر بھر پھر ریاضت کروں میں
الٰہی عطا کر مجھے پارسائی
ترے دین کی پھر نیابت کروں میں
عطا حاضری کر در مصطفیٰ پر
وہاں نعت کہنے کی جرات کروں میں
مجھے تو بلائے تمنا ہے میری
ترے گھر کی مولا زیارت کروں میں
جبین جب جھکے تو سحر پھر نہ اُٹھے
وہاں پر خطا کی وضاحت کروں میں
سحر نسیم سحر

,,,,,,,,,,,,,,,,,,,,,,,,,,,,,,,,,,,,,

*نعت رسول مقبول صلی اللہ علیہ وسلم*

اے پاک نبی رحمت والے
اے سر تا پا الفت والے

ہیں آپ شریعت کے وارث
آقا میرے عظمت والے

نبیوں کے سردار بھی ہیں وہ
کونین میں ہیں رفعت والے

زہرا کے بابا پاک نبی
محبوب خدا جنت والے

حسنین کے نانا سبحانی
اے نور خدا مدحت والے

میرے پیارے مدنی آقا
اخلاص کی ہیں ثروت والے

جھک جائے جبیں تو نکلے دم
اس در پہ *سحر* حرمت والے

*سحر نسیم سحر*

…………………………

غزل*

سحر نسیم سحر

وہ جان جان کہہ کے مری جان لے گیا
دل کو چرا کے دل کا ہی مہمان لے گیا

تاریکیاں بکھیر کے میری حیات میں
سب ساتھ روشنی کے وہ سامان لے گیا

یوں ہو گیا ہے دور وہ میری حیات سے
جیسے کہ ساتھ جینے کے امکان لے گیا

میرے تفکرات مرے سب تخیلات
میری ہر ایک نظم کا عنوان لے گیا

پہچانتا ہے کون *سحر* اب مجھے یہاں ؟
جاتے ہوئے وہ ساتھ ہی پہچان لے گیا

*سحر نسیم سحر*

,,,,,,,,,,,,,,,,,,,,,,,,,,,,,,,,,,,

*غزل*

الفاظ لب پہ آتے ہی عنواں بدل گئے
دل میں کسی غریب کے ارماں بدل گئے

مدت سے یہ دریچہء دل کھلا نہیں
گلشن میں پھول کھلنے کے امکاں بدل گئے

جب سے گئے وہ چھوڑ کے بے آسرا مجھے
ایسا لگے کہ حاذق دوراں بدل گئے

آنے لگی تھیں راس جو خوشیاں ذرا ہمیں
پل میں مسرتوں کے وہ ساماں بدل گئے

ہم بھی سجاتے بزم *سحر* رات دیر تک
لیکن شب وصال کے مہماں بدل گئے

*سحر نسیم سحر لاہور*

,,,,,,,,,,,,,,,,,,,,,,,

ازاد نظم۔
کشمیر جنت نظیر
لکھا ری سحر نسیم سحر
یوم کشمیر کو منانا ہے
کشمیریوں کا ساتھ نبھانا ہے
نکال کر حق کشمیر ریلیاں
اپنی خفٹ مٹاتے ہیں
گر سچ میں محبت ہے کشمیر سے
تو دل و جان سے جہاد کرو
اس کی آزادی میں
لہو اپنا دان کرو
کہتے ہیں کشمیر ہے جنت
پھر کیوں اس میں کافر پھرتے ہیں
کیوں مندر کی گھنٹیاں بجتی ہیں اس میں
کیوں آذان کی صدا ہوتی نہیں
کیوں مسجدیں آباد ہوتی نہیں
کیوں اللہ کے گھر ویران پڑے ہیں
کیوں لوگوں کی دعائیں قبول ہوتی نہیں
مسلمان ایوانوں میں فقط قراردادیں پاس ہوتی ہیں
کیوں جہاد کا اذن نہیں دیا جاتا
آزادی تو خون سے لکھی جاتی ہے
ہم کیوں ٹیبلوں پر بیٹھ کر
مانگتے ہیں آزادی
اج نہیں تو کل
ہم لے کے رہیں گے آزادی
ایک دن وقت ہمارا ائے گا
چھڑوا ہی لیں گے تم سے گھر اپنا
ان کافروں کو جڑ سے مکانا ہے
ہمیں کشمیر بچانا ہے
ہمیں کشمیر بچانا ہے
سحر نسیم سحر

,,,,,,,,,,,,,,,,,,,,,,,,,

سالگرہ۔ آزاد نظم‎

کتنی خوشی سے سالگرہ مناتے ہیں ہم
یار بیلی سجن سکھی سہیلی
سب دیتے ہیں مبارکیں ہم کو
ڈھول تاشے پھل جھڑیاں جلاتے ہیں ہم
یہ جانے بنا کہ عمر کھوتے جاتے ہیں ہم
کتنی شدت سے کرتے ہیں اس دن کا انتظار
ایک ایک دن گن کر گزارتے ہیں
اس د نیا کے جھمیلوں میں کھو کر
یہ بھول جاتے ہیں
کہ موت کے نزدیک ہوتے جاتے ہیں
بچپن سے خواب لے کر بڑے ہوتے ہیں
کہ ہمیں کچھ بڑا کرنا ہے بڑا بننا ہے
خوابوں کے پیچھے دوڑتے ہیں
اپنے لیے بہت کچھ کرتے ہیں
مگر آخرت کی تیاری نہیں کرتے ہیں ہم
سالگرہ کا مطلب ہے کیا
کبھی سوچا ہے تم نے
یعنی ایک سال گر گیا ہے زندگی سے
اب جانا نزدیک ا رہا ہے
سب کچھ جان کر بھی انجان بنے رہتے ہیں
چلو چھوڑو یہ نصیحت بھری بات
کریں تیاری ہم اپنی سالگرہ کی
وہ موم بتیاں وہ اگر بتیاں
جو جلاتے ہیں لوگ دوسروں کی قبروں پر
اج اپنے کیک پر رکھ کے خود جلاتے ہیں ہم
کتنی خوشی سے سالگرہ مناتے ہیں ہم
کتنی خوشی سے سالگرہ مناتے ہیں
سحر نسیم سحر پاکستان

,,,,,,,,,,,,,,,,,,,,,,,,,,,,,,,,,,,,,,,

آزاد نظم۔ سحر نسیم سحر‎

میرے ہاتھوں کو تھام کر
کہا تھا کبھی اس نے
میں تمہارا ہوں
تمہارا رہوں گا
پھر وہ چلا گیا کبھی نہ آنے کے لیے
مجھے انتظار کی صلیپ پہ لٹکا کے
جانے کتنے لوگوں سے اور وعدے کر گیا
وہ بھمرا تھا حرجائی تھا
کتنی انکھوں میں
محبت کی قندیلیں جلا کے
پھر وہ چلا گیا کبھی نہ آنے کے لیے
وہ دور دیس کا باسی ہو گیا
سمندر پار جا بیٹھا
اپنے ہم وطنوں کو بھول گیا
پیچھے رستے کی چھوڑ دھول گیا
اپنوں کو آس تھما کے ہاتھوں میں
پھر وہ چلا گیا کبھی نہ آنے کے لیے
اپنی دنیا سجا لی
جا کے غیروں میں
کتنی آنکھوں میں آنسو دے کے
کتنے دلوں کو تڑپا کے
پھر وہ چلا گیا کبھی نہ آنے کے لیے
وعدہ کیا تھا اس نے میں آؤں گا
میرا انتظار کرنا
تجھ کو ڈولی میں بٹھا کر لے جاؤں گا
میں نے مہندی لگائی اس کے نام کی
پھر وہ چلا گیا کبھی نہ آنے کے لیے
سحر نسیم سحر

,,,,,,,,,,,,,,,,,,,,,,,,,,,,,,,,,,

اے سنگ دل اے بے وفا جب وقت ملا
میں تم سے محبت کا نصاب مانگوں گی
یہ چھین لی ہیں تو نے مجھ سے
ان خوشیوں کا حساب مانگوں گی
کر دیا تھا انجانے میں تیرے نام جو
کتاب زندگی کا وہ حسین باپ مانگوں گی
نہیں کیے جو آج تک میں نے تم سے
ان سوالوں کا جواب مانگوں گی
لکھ رکھی تھی جو تو نے میرے نام
محبت کی تم سے وہ کتاب مانگوں گی
اں نہ ہے نہ ہوگی محبت مجھ کو سحر
میں تو اب محبت کا عذاب مانگوں گی
سحر نسیم سحر

,,,,,,,,,,,,,,,,,,,,,,,,,,,,,

سحر نسیم سحر
آزاد نظم۔ سونی گود
میرے بے کل من کے اندر
سرگوشیاں سی ابھرتی ہیں
کبھی سسکیوں کبھی آہوں
کبھی چیخوں میں بدلتی ہیں
میرے من میں کوئی بولتا ہے
ماں۔۔۔۔۔۔۔ ۔۔۔۔۔۔۔۔۔۔۔ ۔۔
میں تیری گود میں انا چاہتا ہوں
تیری باہوں کے جھولے میں
جھولنا چاہتا ہوں
تیرے بے قرار سینے سے لگ کر
تیرے دل میں ٹھنڈک ڈالنا چاہتا ہوں
تیری رگ رگ سے خون لے کر
اپنی تخلیق چاہتا ہوں
تیرے کانوں میں
پیار کے گیت گنگنانا چاہتا ہوں
تیرے گھر کے ویران آنگن میں
رونق لگانا چاہتا ہوں
تیرے قدموں کے نیچے
جنت کا دروازہ کھولنا چاہتا ہوں
اس سونی گود کو بھر کے
تجھے مکمل عورت بنانا چاہتا ہوں
ماں۔۔۔۔ ۔۔ ۔۔۔۔۔
میں تجھے ماں کہنا چاہتا ہوں
ماں کہنا چاہتا ہوں

سحر نسیم سحر

……………….

ازاد نظم۔ علامہ اقبال
لکھاری۔ سحر نسیم سحر
شہر۔ لاہور
اقبال تیرے شاہین سبق بھول گئے ہیں
نفرت حسد بغض میں پڑ کر
محبت یگانگت کا درس بھول گئے ہیں
خواب دیکھا تھا جس کا اقبال نے
قائد نے اس خواب کو تعبیر کیا
سوئی ہوئی تھی قوم جو
اس قوم کو بیدار کیا
بنانے میں پاکستان کو
بہنوں بیٹیوں نے
اپنی عزتوں کو وار دیا
اس ملک کو سنوار تو
اقبال کے اقوال کو نکھار دو
بادشاہ افکار تجھ کو سلام
بہت ہی دل پذیر ہے تیرا کلام
قابل فخر ہے تیری ذات
تیرے پیچھے چلنا ہے صد افتخار
رات دن کی مشکلوں میں
لیتے ہیں تیرے کلام سے رہنمائی
سوچتا تھا مذہب اسلام کو
اسی فن نے تجھے بنایا کار امام
اے اے شاعر مشرق تیرے اقوال
سبق ہے نوجوان نسل کے لیے
خودی کا سبق پڑھا کر نوجوانوں کو
اک آ گہی سے نوازا اس قوم کو
تو نے لگا کر نعرہ پاکستان کا
زندہ کر دیا اسلام
پاکستان زندہ باد
سحر نسیم سحر

,,,,,,,,,,,,,,,,,,

کیسی پاگل پاگل یادیں ہیں
کیسی پاگل پاگل باتیں ہیں
۔۔۔۔۔۔سونے لگوں تو انکھوں میں چھبتی ہیں
۔۔۔۔۔۔ چپ رہوں تو دل کا درد بڑھاتی ہیں
۔۔۔۔۔ روح کو بہت تڑپاتی ہیں
۔۔۔۔۔ اور ہر دم مجھ سے کہتی ہیں
۔۔۔۔۔ تیرا ساجن تجھ سے دور ہوا
۔۔۔۔ تیرا ساجن تجھ سے دور ہوا
کیسے پاگل پاگل یادیں ہیں
کیسی پاگل پاگل باتیں ہیں
۔۔۔۔۔۔۔۔۔۔۔ کیسے ویراں ویراں دن
۔۔۔۔۔۔۔۔اور سونی سونی راتیں ہیں
۔۔۔۔۔ کچھ کہنا چاہوں کہ نہ سکوں
۔۔۔۔۔۔۔۔۔۔چپ رہنا چاہوں رہ نہ سکوں
۔۔۔۔۔ میں تو بس اتنا جانوں
۔ ۔۔۔۔۔ عجب سے دل کی خواہشیں ہیں
کیسی پاگل پاگل یادیں ہیں
کیسے پاگل پاگل باتیں ہیں
۔۔۔۔۔۔ انوکھے انوکھے کام ہیں
۔۔۔۔۔۔ عجب سے سب کے رشتے ہیں
۔۔۔۔۔۔ خلوص کا کہیں نام نہیں
۔۔۔۔۔۔ لگی ہوئی ہر طرف گھاتیں ہیں
۔۔۔۔۔۔برائی کی ہر طرف سیاہ راتیں ہیں
۔۔۔۔۔۔۔ نیکی کی بھی کچھ کچھ باتیں ہیں
کیسی پاگل پاگل یادیں ہیں
کیسی پاگل پاگل باتیں ہیں
۔۔۔۔۔۔۔۔۔ سحر نسیم سحر۔۔۔۔۔

,,,,,,,,,,,,,,,,,,,,,,,

بن تیرے ساجن مجھ کو
یہ سنسار سونا سونا لاگے ہے
دن کو چین نہ پڑے
رات رات بھر جاگے ہیے
دل پگلا ہے اتنا میرا
سائے کے پیچھے بھاگے ہیے
کچھ کرنا چاہوں کر نہ سکوں
عجب غضب راپ الاگے ہے
تجھ سنگ پیت لگا کے سجنا
دل تیری اور بھاگے ہے
سحر نسیم سحر

،،،،،،،،،،،،،،،،،،،،،،،،،،،،،،،،

گر جدا ہو بھی گئے راہ وفا میں تو ملنے کے سلسلے رکھیں گے ہم
پوچھیں گے لوگ جب رونے کا سبب
تو ہنسنے کا حوصلہ رکھیں گے ہم
کون سچا کون جھوٹا تھا محبت میں
اسی بات کو چھپائے رکھیں گے ہم
خدایا بھرم رہ جائے ہماری محبت کا
ورنہ لوگوں میں کیا عزت رکھیں گے ہم
کسی نے پوچھا جو بچھڑنے کا سبب سحر
تو مقدر پہ بات رکھیں گے ہم
سحر نسیم سحر

,,,,,,,,,,,,,,,,,,,,,,,,,,,,

جب کبھی پردیس میں۔

تمہیں میری یاد ستائے۔۔
تو کسی روشن ستارے کو۔۔
تم دیکھ لینا۔ ۔۔۔۔
کہ آںکھوں کی قندیلیں ۔۔۔
اسی روشن ستارے کی مانند۔
تیری راہوں میں ساجن۔۔
جلا رکھی ہیں۔۔۔۔
میں نے۔ ۔۔۔۔۔۔۔۔۔
سحر نسیم سحر

,,,,,,,,,,,,,,,,,,,,,,,,,,

اؤ ہم تم اچھے دوست بن جائیں

اپنے دکھ سکھ سارے
دل کے انسو آنکھوں کی خوشیاں
بیتے لمحوں کے کرب سارے
محبتوں میں ملے جو ملال
اپنوں سے ملے غم سارے
ایک دوجے سے کہہ ڈالیں
۔۔۔۔۔۔۔۔۔۔۔۔۔۔۔۔اؤ ہم تم اچھے دوست بن جائیں
تیرے سارے غم میں سمیٹ لوں
میری ساری خوشیاں تو لے لے
تیری انکھوں میں بسا حزن و ملال
ڈھل جائے جلد ترنگ ہنسی میں
اور ہم مل کر بانٹیں
سب کو خوشیاں بے حساب
۔۔۔۔۔۔۔۔۔ ۔اؤ ہم تم اچھے دوست بن جائیں
اگر میں کبھی رونے لگوں
تو مجھے حوصلہ دے دینا
گر تو کبھی دکھی ہو
تو میرے پاس آ جانا
بن کہے ایک دوجے کی بات سمجھنے
زندگی کے ان پر پیچ رستوں پہ
حال دل سنانے کے لیے
۔۔۔۔۔۔۔اؤ ہم تم اچھے دوست بن جائیں

۔۔۔۔۔۔۔۔ سحر نسیم سحر۔۔۔۔

,,,,,,,,,,,,,,,,,,,,,,,,,,,,

دل میں یوں تیری محبت کو چھپا رکھا ہے

جیسےخود اپنے کو سولی پہ چڑھا رکھا ہے

انگ انگ دُکھتا ہے اب عشق میں تیرے جاناں
اپنی ہی لاش کو کندھوں پہ اٹھا رکھا ہے

دل تڑپتا ہے تو دھڑکن میں اب بے قابو
اضطراب ایسا حیاتی میں بڑھا رکھا ہے

مر مٹی ہے تری آواز پہ یہ تیری سحر
تیرے لہجے نے عجب نشہ چڑھا رکھا ہے

,,,,,,,,,,,,,,,,,,,,,,,,,,,,,,,,,,,,,,,,,,,,,,

گزرا دور جذبوں کا‎

یہ لفظوں کی فراوانیاں۔۔۔
یہ جذبوں کی گرانیاں۔۔۔
ہے نہیں جسے عقل و شعور۔
سونپ دیں اسے حکمرانیاں۔۔
ہیں کھلے ہوئے ہر طرف چمن و گل۔
پھر بھی ہے بدن بدن ویرانیاں۔ ۔
من کی کہیں خوشی نہیں۔۔۔
صرف تن کی ہیں حشر سامانیاں۔۔
سوچ کے وقت گھٹ گئی۔۔۔
بس رہ گئیی انداز بیانیاں۔۔۔
مدت ہوئی ازادی سلب ہوئے۔۔۔
ہو رہی ہیں ہر طرف نظرانیاں۔۔
تڑپتے پھرتے ہیں ادھر سے ادھر سحر۔۔
ہمیں ورثہ میں ملی ہیں بے چینیاں۔
****** سحر نسیم سحر *****

,,,,,,,,,,,,,,,,,,,,,,,,,,,,,,,

بڑھاپا

مت جا میرے حال کے منظر پہ ۔
ماضی میں یہ کھنڈر بھی بڑا حسین تھا ۔
چہرہ کتابی انکھیں غزل تھیں۔
اس کا عنوان بھی حسین تھا۔
دیکھ کیا حال کر دیا وقت نے۔
اس میں بستا کبھی شوخ مکیں تھا۔
جھک گئی کمر دھندلا گئی انکھیں۔
جس بدن میں نہ کوئی کمی تھا۔
شاعرہ۔۔۔۔۔
**** سحر نسیم سحر

,,,,,,,,,,,,,,,,,,,,,,,,,,,,,,,,,

محبت

جب من اک بے کلی سے تڑپے۔
انکھوں سے ۔۔۔۔۔
بن بات برسات برسے۔
تو سمجھ لو جاناں۔۔۔۔
تمہیں محبت ہو گئی ہے
شاعرہ۔
سحر نسیم سحر

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

بتا میرے دوست بتا؟۔۔۔۔۔۔۔

میں تیری زندگی میں
کس مقام پہ ہوں ۔؟
ہوائے صبح میں ہوں۔۔۔۔۔۔
کہ صدائے شام میں ہوں۔۔۔۔
دن کے ٹمٹماتے ستارے میں ہوں ۔۔۔۔۔۔؟
یا رات کے اندھیارے میں ہوں۔۔۔۔۔
بتا اے میرے دوست بتا
میں تیری زندگی میں
کس مقام پہ ہوں……؟
شاعرہ۔
سحر نسیم سحر