ایرانی خبررساں ایجنسی تسنیم کا کہنا ہے کہ لبنان میں بڑھتے ہوئے اسرائیلی حملوں کے باعث ایرانی مذاکراتی وفد نے امریکا کے ساتھ پیغامات کا تبادلہ روک دیا ہے۔

خبررساں ایجنسی کے مطابق ایران نے واضح کیا ہے کہ جب تک لبنان اور غزہ میں اسرائیلی کارروائیوں کے خاتمے سے متعلق اس کے مطالبات پورے نہیں ہوتے، اس وقت تک کسی بھی قسم کے مذاکرات نہیں ہوں گے۔

رپورٹ میں مزید کہا گیا کہ مزاحمتی محاذ اور ایران نے اپنی حکمت عملی کے تحت آبنائے ہرمز کو مکمل طور پر بند کرنے اور آبنائے باب المندب سمیت دیگر محاذوں کو فعال کرنے کا ایجنڈا طے کر لیا ہے۔

غیر ملکی خبررساں ایجنسی کے مطابق ایرانی سرکاری میڈیا کا کہنا ہے کہ اگر لبنان میں اسرائیلی حملے جاری رہے تو ایران اور امریکا کے درمیان جنگ بندی ختم ہونے کا قوی امکان ہے۔

خبررساں ایجنسی کے مطابق ایرانی سرکاری میڈیا نے اس حوالے سے مزید وضاحت نہیں کی۔

اسرائیلی فوج نے لبنانی دارالحکومت بیروت کے جنوبی ٹاؤن ضاحیہ کو خالی کرنے کا حکم دے دیا۔

عرب میڈیا کے مطابق سرائیلی فوجی کی جانبسے کہا گیا ہے کہ اگر حزب اللہ نے اسرائیل پر میزائل حملے جاری رکھےتو جواباً ضاحیہ پرحملے کریں گے۔

SHARE

LEAVE A REPLY