ایران اور اسرائیل جنگ بندی سے متعلق امریکی ٹی وی نے دعویٰ کیا کہ کہ امریکی صدر ڈونلڈ ٹرمپ نے اسرائیلی وزیراعظم نیتن یاہو کو فون کرکے جنگ بندی کا کہا اور بتایا کہ اب مزید جنگ نہیں ہوگی، ایرانی کمزور پڑ چکے ہیں۔
امریکی ٹی وی کی رپورٹ کے مطابق قطری رہنماؤں کی جانب سے ایران کوجنگ بندی تجاویز دی گئیں جبکہ نائب صدرجے ڈی وینس نےصدرٹرمپ اور قطری رہنماوں کے ساتھ جنگ بندی کرائی۔
جنگ بندی اعلان کے بعد اپنے ایک بیان میں صدر ٹرمپ نے کہا کہ اسرائیل اور ایران دونوں میرےپاس آئےتھے اور امن کی بات کی تھیں، دنیا اور مشرق وسطی جنگ کے اصل فاتح ہیں۔
امریکی صدر نے کہا کہ دونوں اقوام کو بہت محبت، امن اور خوشحالی ملےگی، اگر یہ درست راستے سےہٹ گئےتوبہت کچھ کھوئیں گے، اسرائیل اور ایران کا مستقبل لامحدود ہے جس میں بہت امکانات ہیں، خدا اسرائیل اور ایران پر رحمت نازل کرے۔
