الحدیدہ کی جنگ: ہوائی اڈے پر قبضہ کر لیا گیا

0
128

سعودی عرب کی قیات میں قائم عسکری اتحاد کی زمینی افواج نے یمن کی اہم بندرگاہ الحدیدہ کے انٹرنیشنل ہوائی اڈے پر قبضہ کرنے کا دعویٰ کیا ہے۔ قبل ازیں سعودی عرب، متحدہ عرب امارات اور منصور ہادی کی حامی افواج کے ہوائی اڈے میں داخل ہونے کو رپورٹ کیا گیا تھا۔ الحدیدہ شہر پر قابض ایران نواز حوثی ملیشیا کو شکست دینے کے لیے سعودی عسکری اتحاد نے بدھ تیرہ جون سے فوجی آپریشن شروع کر رکھا ہے۔ یمنی صدر منصور ہادی کی فوج کے مطابق بظاہر ایسا دکھائی دیتا ہے کہ حوثی ملیشیا ہوائی اڈے کے علاقے سے پیچھے ہٹ گئی ہے۔ سعودی عسکری اتحاد کی زمینی افواج کو جنگی طیاروں کی مدد بھی حاصل ہے۔

جنگی طیاروں نے الحدیدہ کو دارالحکومت صنعا سے ملانے والی مرکزی شاہراہ پر بھی بمباری کی ہے تاکہ حوثی باغیوں کو دارالحکومت سے کمک اور مزید اسلحے کی فراہمی روکی جاسکے۔

الحدیدہ کی بندرگاہ گزشتہ کئی برسوں سے خانہ جنگی کا شکار یمن کے لیے ‘لائف لائن’ کی حیثیت رکھتی ہے کیوں کہ یمن بھیجی جانے والی بیشتر غیر ملکی امداد اور سامان الحدیدہ کے راستے ہی یمن پہنچتا رہا ہے۔

SHARE

LEAVE A REPLY