ریڈیو پاکستان کے ملازمین کی یونین یونائیٹد آرگنائزیشن سی بی اے نے سرکاری خبر رساں ایجنسی اے پی پی کی اس خبر کو جھوٹ کا پلدہ اور گمراہ کُن قرار دیا ہے کہ یونین نے وزیر اطلاعات فواد چوہدری سے ملاقات کے بعد احتجاج ختم کر دیا ہے
یونین نے اسے خبر کو ڈس انفرمیشن قرار دیا ہے اور کہا ہے کہ جب تک اس مسلے اور ریڈیو کے دیگر تمام مسائل کا حل نہیں ہوتا احتجاج جاری رہے گا
یاد رہے کہ اسلام آباد میں نیشل براڈکاسٹنگ ہاوس کی سات منزلہ عمارت کو لیز پر دینے کے سرکاری فیصلے کے خلاف پیر کے روز پاکستان بھر میں ریڈیو پاکستان کے نشریاتی مراکز پر احتجاجی مظاہرے کیٗے گئے جن میں بڑی تعداد میں فقط ملازمین نے ہی نہیں بلکہ افسران نے بھی شرکت کی
وزیر سے اس ملاقات کا ایک اہل پہلو یہ بھی ہے کہ یونین کے افراد نے ریڈیو کے ڈی جی کی موجودگی میں بات چیت سے انکار کردیا جس کے بعد شفقت جلیل کو کمرہ چھوڑ کر جانا پڑا
پاکستان کے مختلف حلقے ریڈیو کے ملازمین کی حمایت میں بتدریج باہر نکل رہے ہیں
