سعودی اتحادی فوج کے ترجمان نے کہا ہےکہ حوثیوں کا مکہ کی جانب داغا گیا ڈرون فضا میں تباہ کردیا گیا ہے۔
غیر ملکی خبر ایجنسی رائٹرز کے مطابق حوثیوں کی جانب سے سعودی اتحادی افواج کے ڈرون گرانے کے بیان پر فوری کوئی ردعمل جاری نہیں کیا گیا ہے۔
پاسداران انقلاب نے دشمن لڑاکا طیارے کو روک کر قشم کے علاقے سے واپس جانے پر مجبور کر دیا: ایرانی خبرایجنسی
ایران کے جزیرہ قشم کے سمندری علاقے میں کئی دھماکے سنے گئے، ایرانی خبرایجنسی کا کہنا ہے کہ پاسداران انقلاب کی ایرو اسپیس فورس نے ایک دشمن لڑاکا طیارے کو روک کر قشم کے علاقے سے واپس جانے پر مجبور کر دیا۔
پاسداران انقلاب کا کہنا ہےکہ آبنائے ہرمز میں بارودی سرنگ سے ٹکرا کر 3 ٹینکرز میں آگ لگ گئی۔
آبنائے ہرمز میں عمان کے قریب بحری جہاز میں آگ بھڑک اٹھی
آبنائے ہرمز میں عمان کے شمالی مشرقی علاقے میں بحری جہاز میں آگ بھڑک اٹھی، برطانوی میری ٹائم ٹریڈ آپریشنز کا کہنا ہے کہ آگ لگنے کی وجہ تاحال معلوم نہیں ہوسکی جبکہ جہاز کے عملے کی صورتحال، نقصان سے متعلق معلومات بھی سامنے نہیں آئیں۔
