امریکا کے صدر ڈونلڈ ٹرمپ نے کہا ہے کہ وہ کانگریس سے اپنا روایتی ’اسٹیٹ آف دی یونین خطاب‘ اُس وقت تک مؤخر کر رہے ہیں، جب تک حکومتی شٹ ڈاؤن ختم نہیں ہوتا۔ اس خطاب کے حوالے سے امریکی کانگریس کے ایوانِ نمائندگان کی اسپیکر نینسی پلوسی نے ملکی صدر کو کانگریس کے مشترکہ سیشن سے خطاب کرنے کی اجازت دینے سے انکار کر دیا ہے۔ امریکی صدر اگلے ہفتے کے دوران کانگریس کے مشترکہ اجلاس سے خطاب کرنے والے تھے۔ صدر ٹرمپ کا کہنا ہے کہ وہ اس خطاب کے لیے متبادل مقام پر بھی غور کر رہے ہیں۔ ٹرمپ نے اس خطاب کے مؤخر کیے جانے کے حوالے سے ٹویٹر پر ایک پیغام بھی جاری کیا ہے۔
