امریکہ کا گائیڈڈ میزائلوں سے لیس آبدوز مشرقِ وسطیٰ بھیجنے کا اعلان

0
638

امریکہ کے وزیرِ دفاع لائیڈ آسٹن نے گائیڈڈ میزائل آبدوز مشرقِ وسطیٰ بھیجنے کا اعلان کیا ہے ۔

امریکی محکمۂ دفاع کے مطابق لائیڈ آسٹن نے طیارہ بردار بحری جہاز یو ایس ایس ابراہم لنکن کے اسٹرائیک گروپ کو بھی مشرقِ وسطیٰ کی طرف مزید تیزی سے بڑھنے کا کہا ہے۔

یہ امریکی اقدام ایسے وقت میں کیا گیا ہے جب امریکہ اور دیگر اتحادی اسرائیل اور حماس میں جنگ بندی کے معاہدے کے لیے کوشش کر رہے ہیں تاکہ خطے میں بڑھتے ہوئے تناؤ کو کم کیا جا سکے۔

تہران میں حماس کے سیاسی ونگ کے رہنما اسماعیل ہنیہ اور بیروت میں حزب اللہ کے سینئر کمانڈر کی موت کے بعد خطے میں کشیدگی بڑھنے سے وسیع تر جنگ کے خدشات میں اضافہ ہوا ہے۔

حکام ان حالیہ ہلاکتوں کے جواب میں ایران اور حزب اللہ کی طرف سے حملوں پر نظر رکھے ہوئے۔

اس صورتِ حال میں امریکہ ایک بار پھر خطے میں اپنی عسکری موجودگی کو بڑھا رہا ہے۔

محکمۂ دفاع کے پریس سیکریٹری میجر جنرل پیٹ رائیڈر نے ایک بیان میں کہا کہ وزیرِ دفاع آسٹن نے اتوار کو اپنے اسرائیلی ہم منصب یوو گیلنٹ سے گفتگو کی ہے اور امریکہ کی جانب سے اسرائیل کے دفاع کے لیے ہر ممکن اقدام کے عزم کا اعادہ کیا۔

SHARE

LEAVE A REPLY