حکومت سندھ نے ماحول دوست الیکٹرک ٹیکسی سروس متعارف کروانے کا فیصلہ کرلیا۔
وزیر برائے ٹرانسپورٹ و ماس ٹرانزٹ شرجیل انعام میمن کا کہنا ہے کہ ماحول دوست الیکٹرک ٹیکسی چلانے سے اربوں روپوں کے تیل کی بچت ہوگی اور عوام کو بھی سستی سفری سہولتیں فراہم کی جائیں گی۔
ان کا کہنا ہے کہ الیکٹرک ٹیکسی سروس سے بیروزگار نوجوانوں کو روزگار کا موقع ملے گا اور پنک ٹیکسی کے لیے خواتین ڈرائیورز کو رکھا جائے گا۔ الیکٹرک ٹیکسیز کے لیے چارجنگ اینڈ پارکنگ ڈیپو بھی بنائے جائیں گے۔
