سوئٹزرلینڈ میں ایران اور امریکا کے درمیان تکنیکی مذکرات کے آغاز سے قبل فیلڈ مارشل عاصم منیر کے ہمراہ میڈیا سےگفتگو کرتے ہوئے وزیراعظم شہبازشریف کا کہنا تھا کہ صدر ٹرمپ کی مدبرانہ قیادت کے باعث مذاکرات ممکن ہوئے، فیلڈ مارشل سید عاصم منیر کا مذاکرات کے لیے اہم کردار ہے۔
وزیراعظم شہبازشریف کا کہنا تھا کہ یہ عالمی امن کے لیے اہم موقع ہے، ہم مل کر دنیا میں اتحاد قائم کرسکتے ہیں، امید ہےکہ جب ہم واپس جائیں گے تو ہمارے پاس ایسی دستاویز ہوگی جو دنیا بھر میں امن، ترقی اور خوشحالی لائےگی۔
وزیراعظم شہباز شریف نے قطر کے وزیراعظم کا شکریہ بھی ادا کیا اور کہا کہ تمام کوششوں کا مشترکہ نتیجہ خوشگوار ملاقات کی صورت میں نکلا ہے، امید ہے آج کی بات چیت کی نتیجہ خیز پیش رفت سامنے آئےگی۔
اس موقع پر قطری وزیراعظم کا کہنا تھا کہ مذاکرات خطے اور پوری دنیاکی سلامتی اور عالمی معیشت کے لیے اہم اور تاریخی ہیں، مذاکرات میں شامل تمام ممالک کی قیادت اور ان کی کوششوں کا شکریہ ادا کرنا چاہوں گا، سب کےلیےنیک خواہشات کا اظہار کرتا ہوں، مسئلے کے حل تک قطر اپنی ثالثی کی کوششیں جاری رکھےگا۔
