وفاقی حکومت نے مقبوضہ کشمیر کی صورتحال پر بھارتی اقدامات کا جائزہ لینے اور ان پر سفارشات ترتیب دینے کے لیے بنائی گئی 7 رکنی کمیٹی میں توسیع کا فیصلہ کرلیا۔
وزیراعظم عمران خان کی زیرصدارت وفاقی کابینہ کے اجلاس میں فیصلہ کیا گیا کہ حکومت اس کمیٹی میں اپوزیشن کو شامل ہونے کی دعوت دے گی۔
اس کے علاوہ جماعت اسلامی پاکستان کے امیر سینیٹر سراج الحق کو بھی اس کمیٹی میں شامل ہونے کی دعوت دی جائے گی جبکہ صدر اور وزیراعظم آزاد جموں و کشمیر اور گورنر گلگت بلتستان کو بھی کمیٹی میں شامل کیا جائے گا۔
