برطانیہ بریگزٹ کے حوالے سے مزید مشکل میں گرفتار ہو رہا ہے جب منگل کی شب پارلیمان نے ایک سو انچاس ووٹوں سے بریگزٹ ڈیل کو مسترد کر دیا
ایوان کے دو سو بیالیس ارکان نے حق میں جبکہ تین سو اکیانوے نے مخالفت میں ووٹ دیا جس سے یورپی یونین سے نکلنے کی ڈیل مسترد ہو گئی
حکمران کنزرویٹو پارٹی کے79 ارکان نے مخالفت میں ووٹ دی
برطانوی میڈیا نے پیش گوئی کردی تھی کہ تھریسامے کے بریگزٹ معاہدے کو جنوری میں 230 ووٹوں سے ناکامی ہوئی تھی، لہذا اس بار بھی تھریسامے کو تقریباً اتنے ہی ووٹوں سے شکست ہوسکتی ہے۔
ڈیل مسترد ہونے پر برطانوی وزیراعظم نے تھریسامے نے پارلیمنٹ سے خطاب کرتے ہوئے کہا کہ پارلیمنٹ میں کل نوبریگزٹ ڈیل پیش ہوگی، ڈیل مسترد ہونے پر آرٹیکل 50 کی توسیع پر جمعرات کو ووٹنگ کا سلسلہ ہوگا۔
بریگزٹ کے تحت برطانیہ کو 29مارچ کو یورپی یونین سے علیحدہ ہونا ہے، جبکہ تھریسا مے کی جانب سے یورپی رہنماؤں سے مسلسل رابطوں کے باوجود ڈیل کو بچانے میں ناکام نظر آرہی ہیں۔
یاد رہے کہ نومبر 2018 میں وزیر اعظم تھریسامے اور یورپی یونین کے سربراہوں کے درمیان بریگزٹ معاہدے پر اتفاق ہوا تھا لیکن ایم پیز نے 230 ووٹوں کی بھاری اکثریت سے معاہدے کو مسترد کردیا تھا۔
دریں اثنا ء کچھ روز قبل برطانیہ کے سابق چانسلر اوسبورن نے کہا تھا کہ یورپی یونین سے برطانیہ کے انخلا کو ملتوی کرنا ہی اس وقت سب سے بہتر آپشن ہے، حکومت کو چاہیے کہ وہ ملک کو اس خطرناک صورتحال کی جانب نہ لے کر جائے۔
