سعودی عرب میں ایک خصوصی عدالت نے ایک شہری کو وزارت داخلہ کی عمارت کو بم سے اڑانے کی سازش کے الزام میں مجرم قرار دے کر سزائے موت کا حکم دیا ہے۔
عدالت کی جانب سے اتوار کو جاری کردہ بیان میں اس سعودی شہری کا نام نہیں بتایا گیا ہے۔استغاثہ کے مطابق اس نے القاعدہ کے ایک سیل کے ساتھ مل کر بم حملے کی سازش تیار کی تھی اور اس کے قبضے سے وزارت داخلہ اور مسلح افواج کے ہیڈ کوارٹرز کی تصاویر ،نقشے اور ان پر حملوں کی منصوبہ بندی کا خاکا برآمد ہوا تھا۔
مجرم نے سعودی عرب میں القاعدہ کو مدد بھی دی تھی اور متعدد انتہا پسندوں کے ساتھ رابطے میں رہا تھا۔ان میں سے بعض سزایافتہ مجرم ہیں اور جیل سے فرار ہو چکے ہیں
