اسپین نے ایران کے خلاف جنگ میں شریک امریکی فوجی طیاروں کو اپنی فضائی حدود استعمال کرنے سے روک دیا ہے۔
اس سے قبل اسپین نے ایران جنگ میں شامل امریکی طیاروں کی مشترکہ فوجی اڈوں تک رسائی پر پابندی عائد کردی تھی۔
اسپین کی وزیر دفاع مارگریٹا روبلز نے میڈرڈ میں صحافیوں سے گفتگو کرتے ہوئے کہا کہ ’ہم نہ تو فوجی اڈوں کے استعمال کی اجازت دیتے ہیں اور نہ ہی ایران جنگ سے متعلق کسی کارروائی کے لیے اپنی فضائی حدود استعمال کرنے کی اجازت دیں گے‘۔
اس فیصلے کے بعد امریکی فوجی طیاروں کو اپنے راستے تبدیل کرنا پڑیں گے تاہم ہنگامی پروازوں کو اس پابندی سے مستثنیٰ قرار دیا گیا ہے۔
