پنجاب، خیبر پختونخوا اور بلوچستان میں آج سے مڈل اسکول کھل گئے، جبکہ سندھ میں چھٹی سے آٹھویں تک کی کلاسیں 28 ستمبر سے شروع ہوں گی ۔
گزشتہ روز این سی او سی اجلاس میں چھٹی تا آٹھویں جماعت کی پڑھائی شروع کرنے کی اجازت دی تھی جس کے بعد سندھ کے علاوہ ملک بھر میں آج سے دوسرے مرحلے میں اسکول کھول دیئے گئے ہیں ۔
ڈائریکٹر ایجوکیشن بلوچستان کاکہنا ہے کہ صوبے میں کورونا سےمتاثرہ طلباء اوراساتذہ کو 14روز تک قرنطینہ کیا جائےگا اور رپورٹ منفی آجانے کے بعد وہ دوبارہ اسکول آسکیں گے۔
ذرائع کے مطابق ہنزہ میں 9 اساتذہ میں کورونا وائرس کے بعد 3 سرکاری اسکول ایک ہفتے کے لیے بند کر دیئے گئے ہیں۔
