کورونا وائرس کے باعث دنیا بھر میں 42 لاکھ سے زائد افراد انتقال کرچکے ہیں جو سالانہ ملیریا کے باعث مرنے والوں کی تعداد سے دگنی ہے۔
عالمی ادارہ صحت نے خطرے کی گھنٹی بجا دی، ادارے کی رپورٹ کے مطابق 19سے 25 جولائی کے دوران دنیا بھر میں کورونا کے باعث اموات کی تعداد بہت تیزی سے بڑھ گئی۔
اس عرصے میں کورونا سے 69 ہزار اموات رپورٹ ہوئیں، اموات کی شرح 21 فیصد بڑھ گئی۔
ڈبلیو ایچ او کے مطابق سب سے زیادہ اموات امریکا اور جنوب مشرقی ایشیا سے رپورٹ ہوئیں، اس عرصے کے دوران کورونا کے مثبت کیسز کی تعداد 8 فیصد بڑھ گئی۔
