جاپان کے دارالحکومت ٹوکیو اور اس کے قریبی تین پریفیکچرز کے گورنرز نے مرکزی حکومت سے مطالبہ کیا ہے کہ وہ کرونا وائرس کے پھیلاؤ کو روکنے کے لیے ایمر جنسی نافذ کرے۔
ٹوکیو کے گورنر یوریکو کوائیک نے دیگر تین گورنرز کے ہمراہ کرونا وائرس سے نمٹنے سے متعلق اقدامات کرنے والے وزیر سے ملاقات میں یہ مطالبہ کیا کہ وہ لوگوں کی زندگیاں محفوظ بنانے کے لیے ایمر جنسی نافذ کریں۔
جاپان میں حالیہ دنوں میں کرونا وائرس کے کیسز میں اضافہ دیکھا جا رہا ہے اور نیو ایئر پر ٹوکیو میں 1337 کیسز رپورٹ ہوئے۔
جاپان میں کرونا وائرس کی وجہ سے رواں سال جولائی میں منعقد ہونے والی اولمپکس سے متعلق خدشات میں اضافہ ہو رہا ہے۔ جس میں 11 ہزار اتھیلیٹس شرکت کریں گے۔
خیال رہے کہ جاپان میں اس وبا کے سبب اب 3500 سے زائد اموات ہو چکی ہیں۔
