پاکستان کرکٹ ٹیم کے کپتان بابر اعظم نے کہا ہے کہ پاکستان کرکٹ بورڈ میں ہونے والی تبدیلیوں سے انہیں یا ٹیم کو کسی قسم کی پریشانی نہیں ہوتی کیونکہ ان کا فوکس کرکٹ پر ہوتا ہے۔
بابر اعظم نے کراچی میں نیشنل اسٹیڈیم میں پریس کانفرنس کرتے ہوئے کہا کہ بھارت میں ورلڈ کپ کھیلنے جارہے ہیں، صرف انڈیا سے کھیلنے نہیں جارہے، نو ٹیموں کو شکست دیں گے تو فائنل کھیلیں گے۔
انہوں نے کہا کہ جہاں بھی میچز ہوں گے وہیں جاکر کھیلیں گے۔
