مقبوضہ مغربی کنارے کے شہر رام اللہ کے گاؤں المغیر میں شادی کی تقریب پر ہلہ بول کر اسرائیلی فوج نے دولہے پر تشددکیا اور اسےکئی گھنٹوں تک حراست میں رکھا۔ خواتین اہلکاروں نے دلہن کو بھی تشدد کا نشانہ بنایا اس کے عروسی لباس کی تلاشی لی۔
شہر اریحا میں اسرائیلی افواج نے اُس تقریب پر دھاوا بول دیا جو جیل سے رہا ایک قیدی کے اعزاز میں منعقد کی گئی تھی۔ حملہ آور فوج نے گھر میں موجود ہر شے تباہ کردی۔
سلواد کے قصبے میں 17 سالہ نوجوان کی لاش لائی گئی تو اسرائیلی فوج نے وہاں بھی حملہ کر کے لوگوں پر تشدد کیا۔ یہ نوجوان اسرائیلی جیل میں بھوک کی شدت سے جاں بحق ہوا تھا۔













