سڈنی آسٹریلیا میں پاکستان قونصلیٹ کے سامنے پاراچنار بم دھماکے کے حلاف احتجاجی مظاہرہ
اتوار کے روز سڈنی آسٹریلیا میں پاکستان قونصلیٹ کے سامنے پاراچنار بم دھماکے کے خلاف مظاہرہ کیا گیا مظاہرے میں سڈنی میں مقیم پاراچنار سے تعلق رکھنے والے کثیر تعداد میں نوجوانوں نے حصہ لیا اور پاراچنار میں ہونے والے خونریز دھماکے جسمیں درجنوں افراد شہید ہوئے ہیں ان کے لواحقین سے اپنی تعزیت کی اور سب مقررین نے حکومت پاکستان سے مطالبہ کیا کہ ان واقعات میں ملوث تمام دہشتگردوں کو گرفتار کرکے کڑی سے کڑی سزادے دیں
اس کےساتھ ساتھ سب شرکاء نے حکومت پاکستان خصوصا آرمی چیف سے مطالبہ کیا کہ جلد از جلد کرم ملیشیا کو اپنے علاقے میں دوبارہ تعینات کریں تاکہ زمہ داری کے ساتھ اپنے علاقے کو تحفظ فراہم کریں اورسب نے فوج سے یہ مطالبہ کیا کہ موجودہ واقعے میں ملوث ایف سی اہلکاروں جنہوں نے کرم ایجنسی کے معصوم لوگوں پرظلم کرکے متعدد افراد شہید اور زحمی کئے ان کو فورا گرفتار کر کے انصاف کے کٹہرے میں کھڑا کریں اوراس بات کو یقینی بنائیں کہ ائندہ ایسے واقعات رونما نہ ہو ں
شرکاء نے اس بات پر بہت زور دیا کہ فوری طور پر کرنل عمر پولٹیکل ایجنٹ اور اسسٹنٹ پولیٹیکل ایجنٹ اپر کرم اور تحصیلدار اپر کرم کو فوری اپنے اپنے عہدوں سے برطرف کریں کیونکہ موجودہ صورتحال کے تناظرمیں انہیں حکومت کرنے کا کوئی قانونی اور اخلاقی جواز باقی نہیں رہتا
جابر حسین سڈنی
