قومی اسمبلی میں خیر پور زون میں گیس کی عدم فراہمی سے متعلق توجہ دلاؤ نوٹس پیش کر دیا گیا۔
قومی اسمبلی کے اجلاس میں یہ توجہ دلاؤ نوٹس ڈاکٹر نفیسہ شاہ نے پیش کیا۔
اس معاملے پر پارلیمانی سیکریٹری سعد وسیم نے کہا کہ گیس جب میسر ہو گی تو مہیا کی جائے گی، جتنی گیس میسر ہے اس کو ایک فارمولے کے تحت تقسیم کیا جاتا ہے۔
اُنہوں نے کہا کہ کل کو حالات بہتر ہوں گے تو گیس مہیا کی جائے گی۔
جس پر نفیسہ شاہ نے کہا کہ حکومت کے پاس کوئی روڈ میپ نہیں، خیر پور سے پورے ملک میں گیس گئی لیکن ہمیں کیا مل رہا ہے؟
اُنہوں نے کہا کہ یہ ملک کے لیے بہترین پروجیکٹ ہے اس کو گیس فراہم کریں۔
نفیسہ شاہ نے سوال کیا کہ کہا کہ یہاں پر کوئی وزیر نہیں ہے، کیا توہینِ پارلیمنٹ صرف افسران پر لاگو ہو گی؟
جس کے بعد متعلقہ وزراء اور افسران کی غیر موجودگی کی وجہ سے قومی اسمبلی میں وقفۂ سوالات کو پیر تک مؤخر کر دیا گیا۔
